أكلة جديدة ومغذية بنفس الوقت ،اليوم رح نساوي كباب بالطحينة، أكلة مرتبة بتفاجئي فيها ضيوفك. “كباب بالطحينة” من الأطباق المميزة التي تجمع بين الطعم الغني والقوام الكريمي، وهي أكلة تعطي لمسة خاصة على سفرتك ، ويمكن تقديمها في مختلف المناسبات .
المكونات والمقادير
لتحضير هذه الوصفة، نحتاج إلى المكونات التالية:
- للكباب: كيلو من الكباب (غنم، عجل، دجاج، أو ديك رومي حسب الرغبة)، جرزة بقدونس، بصلة، 3 أسنان ثوم، ملح، وربع معلقة سبع بهارات.
- للتقديم: بطاطا مقلية.
- للصوص: كاسة طحينة (تُزاد حسب كمية اللحمة)، كاستين لبن (يفضل لبن غنم)، كاستين ماء، ملح، حمض ليمون، وسبع بهارات.
- إضافات: بصلة مقطعة “جوانح” للقلي، وزيت زيتون.
طريقة التحضير
1. تجهيز الكباب:
في وعاء، نضع الكباب المفروم ناعماً، ونضيف إليه البقدونس المفروم، البصلة، والثوم المفروم، بالإضافة إلى الملح والسبع بهارات. ندعك المكونات جيداً حتى تتجانس. نأخذ من اللحمة كرات متساوية الحجم ونرصها في صاج مدهون بالزيت، ثم نُدخلها إلى فرن محمى مسبقاً على حرارة 250 في الطبق الوسط (يمكن أيضاً تشويحها في مقلاة).
2. تحضير صوص الطحينة:
في وعاء كبير، نضع الطحينة، ثم نضيف حمض الليمون، الملح، والسبع بهارات. نضيف الماء ونحرك المزيج جيداً (يمكن استخدام الخلاط أو الميكسر لضمان التجانس)، ثم نضيف اللبن ونستمر في التحريك حتى نحصل على قوام مثالي.
3. تكرمل البصل:
في مقلاة، نضع القليل من زيت الزيتون ونقلي البصل المقطع “جوانح” حتى يذبل ويصبح جاهزاً.
4. تطبيق الصينية:
شوفوا اللحمة كيف طلعت، وما كشت لأن التكبيرة كانت مضبوطة. الصوص صار جاهز، وإذا شفتوه قليل ممكن تجيبوا كاسة طحينة تانية وتكثفوه، أنا جبت كاسة تانية ليصير جاهز.
هلأ بفضيه فوق البصل عشان ياخد نكهة كاملة، بياخدوا وقت تقريباً نص ساعة. يا ويلي على هالريحة! الكباب صار جاهز، بطفي الفرن. عندي بطاطا مقلية جهزتها مسبقاً، بطبقها بكل الصينية، وبرجع بصف فوقها الكباب، وما بنسى الدهن اللي بقي بالصاج، هذا “دواء” وشحم ولحم.
المرحلة الأخيرة
وهي صوص الطحينة اللي ساويناه، بسم الله نسكب صوص الطحينة فوق كرات الكباب والبصل ، برجع بدخل الصينية على الفرن اللي لسه ما برد، بحطها من فوق وبشغلها، بدها تقريباً ربع ساعة لعشرين دقيقة لتسمك الطحينة وتنشف بقلب الفرن.
نصائح للتقديم
هذه الطبق يعد من الاطباق الجانبية والتي يمكنك تزينها بالبقدونس، وفيكم تحطوا مكسرات، اللي بدكم إياه فيكم تقدموا جنبها فريكة أو رز أبيض بتمنى الوصفة تنال اعجابكم و ألف صحة وهنا.