الماريا هي أكلة أرمنية شعبية مشهورة جدا في سوريا وخصوصاً عند أهل حلب , بعد ما تعبت من تعزيل البيت للعيد والجلي والطبخ وعندي شوية اكل زيادة قررت أعمل وجبة خفيفة شهية ولذيذة على شان الأولاد وأشاركها معاكم ، فاليوم بدي اقدم لكم طريقه تحضير الماريه الحلبيه والان لبندأ .
المقادير والتجهيز :
- نصف كيلو كباب ضأن او فروج الي موجود نضعه بوعاء .
- بصلة مفرومة بشكل ناعم .
بالنسبة للكمية يمكن زيادة ونقصان حسب رغبتكم والمتوفر عندكم .
اكله فضفاضه وبنفس الوقت مكوناتها ان شاءالله كلياتها مثل بعضها ب اذا نقصنا ولازودنا شوي لا يوثر . - حبه بندوره مفرومة بشكل ناعم .
- فليفله خضراء اذا وجد واذا ما وجد بتكفي الفليفله المطحونه معلقه فليفله مطحونه .
حطوا كمان معلقه ثانيه ما في مشكله - ملعقة بقدونس .
- اضافة لمعلقتين ملح صغار .
- ملعقة سبع بهارات .
- واخر شيء المكون اللي لازم تحسبوا حسابه وما تنقصوه بهالاكله لاني اذا ما كثرتوا
منه ما رح تسقسق معكم وهو الدهنه اي السمن العربي ملعقتان .
طريقة التحضير
بعد ان وضعنا اللحم المفروم بوعاء واضفنا له التوابل المذكورة اعلاه نقوم بالدعك جيداً كما ندعك الكبة .
الان بعد أن اصبحت جاهزة بعد الدعك ياتي دور الخبز ويمكن العمل باي خبز متوفر لديكم سواء سياحي او خبز سوري الي متوفر يمكنكم عمل خبز على ايديكم .
نفتح الخبز و نشرحه ونضع القليل من الماء على أيدينا وناخذ كورة من اللحم ونفرشها على الخبز مثل طريقة اللحم بالعجين .
نرقق اللحمة جيدا اثناء فردها لتاخذ كل الرغيف واذا نفذت الكمية نضيف المزيد من اللحم حى تاخذ الرغيف كامل مثل الصورة اعلاه .
نكرر العملية حتى نفاذ الكمية ومثل ما اخبرتكم اي لحم متوفر يمكن فروج او غنم لا مشكلة.
الان نقوم بتشغيل السخانه وبما ان حجمها عندي صغير رح اقسم الرغيف قسمين وادهن السخانة بشوي زيت نباتي واضع الخبز واطبق عليها .
رح تسوي كل ثلث دقائق او اربع وستعرفين انها استوت ولا تحتاجِ الى خبرة لتعرفي ذلك .
تكررين العملية مع الباقي واذا ما عندك سخانية كهربائية يوجد سخانة يدوية تعمل بنفس الطريقة ولكن تضعينها على الغاز وهي تشبه المقلاة ولكن تفتح وتطبق مثل السخانة الكهربائية .
التقديم
يمكن تقديمها الان بجانب لبن العيران او تاكلو بجانبها الي تحبوه والى هنا وصلنا لنهاية الوصفة شاركونا تجربتكم الى اللقاء .